Ajira

Nafasi 8 za Kazi Halmashauri ya Wilaya ya Kyerwa

3 weeks ago

Nafasi 8 za Kazi Halmashauri ya Wilaya ya Kyerwa 2025

Nafasi 8 za Kazi Halmashauri ya Wilaya ya Kyerwa: Mkurugenzi Mtendaji wa Halmashauri ya Wilaya ya Kyerwa ametangaza nafasi mpya 8 za ajira baada ya kupokea kibali kutoka kwa Katibu Mkuu wa Ofisi ya Rais – Utumishi. Watanzania wote wenye sifa wanakaribishwa kuomba nafasi hizi kwa kuzingatia vigezo vilivyoainishwa hapa chini.

Nafasi za Kazi Zilizotangazwa

1. Mwandishi Mwendesha Ofisi Daraja la II – Nafasi 5

Majukumu:

Kuchapa barua na nyaraka mbalimbali, zikiwemo za siri
Kupokea wageni na kuelekeza wapi watapokea huduma
Kutunza kumbukumbu za matukio, ratiba, na miadi ya ofisi
Kupanga na kuandaa vikao
Kuandaa orodha ya vifaa vya ofisi
Kusambaza majalada na taarifa muhimu kwa idara husika

Sifa za Mwombaji:
Awe na elimu ya kidato cha nne pamoja na stashahada (Diploma) au cheti cha NTA Level 6 katika Uhazili. Lazima awe amefaulu Hatimkato ya Kiswahili na Kiingereza (100 maneno kwa dakika), na awe na ujuzi wa matumizi ya programu za ofisi kama Word, Excel, PowerPoint, E-mail, na Publisher kutoka chuo kinachotambuliwa na serikali.

Mshahara: Ngazi ya TGS C

2. Dereva Daraja la II – Nafasi 3

Majukumu:

Kukagua magari kabla na baada ya safari
Kuwapeleka watumishi katika safari za kikazi
Kufanya matengenezo madogo ya magari
Kusambaza nyaraka na kutunza logbook
Kusafisha gari na kutekeleza majukumu mengine ya udereva

Sifa za Mwombaji:
Awe na elimu ya kidato cha nne pamoja na leseni ya daraja E au C aliyotumia kwa zaidi ya mwaka mmoja bila ajali. Lazima awe na vyeti vya mafunzo ya udereva kutoka VETA au chuo kinachotambuliwa na serikali.

Mshahara: Ngazi ya TGS B1

Vigezo vya Jumla kwa Waombaji

Awe raia wa Tanzania mwenye umri kati ya miaka 18 hadi 45
Ambatishe cheti cha kuzaliwa na wasilisha CV iliyo na namba za simu na majina ya wadhamini
Ambatishe vyeti vya kitaaluma na vya kidato cha nne au sita kulingana na kazi unayoomba
Leseni ya daraja E au C lazima iambatishwe na cheti cha mafunzo ya udereva
Testmonials na Statement of Results hazitakubalika
Weka picha ya “passport size” kwenye mfumo wa Ajira
Waombaji waliomaliza masomo nje ya nchi wahakikishe vyeti vyao vimehakikiwa na TCU, NECTA, au NACTE
Wastaafu hawaruhusiwi kuomba bila kibali rasmi
Walioko kwenye nafasi za kuingilia katika Utumishi wa Umma hawapaswi kuomba
Atakayetoa taarifa za uongo atachukuliwa hatua za kisheria