CV ya Jonathan Sowah, Mshambuliaji Mpya wa Simba

Wasifu wa Jonathan Sowah: Mshambuliaji Mpya wa Simba SC

Jonathan Sowah ni mshambuliaji mwenye asili ya Ghana, aliyezaliwa Januari 2000 au Januari 1, 1999 kulingana na vyanzo mbalimbali. Safari yake ya soka ilianza kupitia klabu ndogo nchini Ghana hadi kufikia hatua ya kimataifa.

Takwimu za Mchango Wake

Kipindi	Takwimu
Danbort FC (2022–23)	Magoli 23, hat-trick 4
Medeama SC (2023/24)	Magoli 12 / Mechi 20
Singida Black Stars (2025)	Magoli 13 / Mechi 13
Ghana (Taifa)	Caps 2–3, bado hajafunga

Klabu alizocheza Jonathan Sowah

Danbort FC (Zone Two League – Ghana)

Akiwa na Danbort FC, Sowah alitamba kwa kufunga hat-trick mara nne katika msimu mmoja, jambo ambalo linatajwa kuwa la kipekee kwenye ligi hiyo. Alimaliza msimu akiwa na mabao 23 kwenye mashindano yote.

Medeama SC (Ghana Premier League)

Sowah alijiunga na Medeama Januari 2023 kwa mkataba wa miaka mitatu. Katika msimu wake wa kwanza, alifunga magoli 12 kwenye mechi 20, akiiwezesha Medeama kutwaa taji lao la kwanza la ligi kuu ndani ya miaka 46. Alishinda tuzo kadhaa za Mchezaji Bora (MVP) na alitamba kwenye Super Cup dhidi ya Dreams FC kwa kufunga magoli mawili.

Al Nasr SC Benghazi (Libya)

Mwaka 2024, alihamia Libya kuichezea Al Nasr SC Benghazi. Akiwa na kikosi hicho, alifunga magoli muhimu kwenye michuano ya CAF Champions League, akiisaidia timu kufika hatua za juu.

Singida Black Stars (Tanzania)

Mwezi Januari 2025, Sowah alijiunga na Singida Black Stars kwa ada ya takriban dola 220,000 za Kimarekani. Katika msimu wake wa kwanza, alifunga magoli 13 katika mechi 13, kiwango kilichompa nafasi tena kuitwa timu ya taifa ya Ghana.

Simba SC (Tanzania)

Julai 2025, Sowah alisaini mkataba wa miaka miwili na Simba SC, akipuuza ofa kutoka kwa wapinzani wao Yanga SC. Mkataba wake ulianza rasmi Agosti 1, 2025. Ndani ya Simba, Sowah ni mchezaji wa pili kulipwa zaidi.

Uwakilishi wa Taifa (Ghana)

Sowah aliitwa kwenye kikosi cha Ghana kwa mechi za kufuzu Kombe la Dunia dhidi ya Mali na Jamhuri ya Afrika ya Kati Mei 2024. Mechi yake ya kwanza ya kirafiki ilikuwa dhidi ya Liberia Septemba 2023, akitoa assist. Amecheza mara chache (caps 2–3) lakini bado hajafunga goli la kimataifa.

Uwezo wa Uwanjani

Sifa za Kiufundi

Sowah anatambulika kwa kasi, nguvu, na uwezo wa kufunga kwa ufanisi. Ana uwezo mkubwa wa kusoma mchezo na kuwapita walinzi kwa wepesi, akitumia “pace, vision and strength” kama silaha kuu.

🔔 Kwa habari mpya za Michezo. Jiunge na Watanzania wengine kupitia WHATSAPP CHANNEL kwa matangazo ya michezo kila siku!
🌐 Tembelea Habari Wise kwa habari mpya kila siku!