Magazeti ya Leo Tanzania – Ijumaa Juni 20, 2025
Leo Ijumaa Juni 20, 2025, kurasa za mbele za magazeti mbalimbali nchini Tanzania zimejaa habari nzito zinazogusa siasa, maendeleo, michezo, na burudani. HabariLEO linaangazia uzinduzi mkubwa wa Daraja la J.P. Magufuli jijini Mwanza, tukio lililohudhuriwa na viongozi wakuu wa nchi akiwemo Rais Samia Suluhu Hassan, huku akiwasihi wananchi kulitunza daraja hilo muhimu kwa maendeleo ya Kanda ya Ziwa.
Magazeti ya Leo Ijumaa Juni 20: Yanga na Simba Moto, Samia Azindua Daraja
Kwa upande mwingine, mvutano mkali unaendelea ndani ya Shirikisho la Mpira wa Miguu Tanzania (TFF), ambapo mgombea Mustapha Himba amelalamikia changamoto ya kudhaminiwa, akitaja hujuma ndani ya mchakato wa uchaguzi. Katika anga la michezo, watani wa jadi Yanga na Simba wanakimbizana kuelekea mechi ya kufunga msimu, huku kila upande ukitamba kuwa uko tayari kuibuka bingwa wa Ligi Kuu ya Tanzania Bara.
Pia, maandalizi ya michuano ya CHAN yamepamba moto, Tanzania ikiwa mwenyeji pamoja na Kenya na Uganda. Uwanja wa Benjamin Mkapa umepewa heshima ya kufungua na kufunga mashindano hayo.
Kwa wapenzi wa burudani na sanaa, msanii Tunu ameibuka na ujumbe mzito kuhusu umuhimu wa ubunifu na kufikiri nje ya mipaka ya kawaida. Huku hayo yakijiri, sakata la Shehe ‘kujitaka’ ili kukwepa madeni ya milioni 500 linaibua maswali mengi juu ya maadili na sheria.
Endelea kutembelea Habari Wise kwa muhtasari kamili wa vichwa vya habari vyote vya leo, kutoka magazeti mbalimbali nchini.
Habari Kuu Magazeti ya Leo Tanzania – Ijumaa 20/06/2025
Rais Samia Azindua Daraja la Magufuli
Magazeti ya leo yanaongoza na uzinduzi rasmi wa Daraja la J.P. Magufuli jijini Mwanza, linalounganisha Kigongo na Busisi. Rais Samia Suluhu Hassan ameongoza tukio hilo na kusisitiza umuhimu wa kulitunza daraja hilo kwa maendeleo ya Kanda ya Ziwa. Waziri Abdallah Ulega ameahidi neema zaidi kwa wakazi wa maeneo hayo.
Michuano ya CHAN: Mkapa na Amaan Complex Kuanza na Kumaliza
Tanzania, Kenya na Uganda watakuwa wenyeji wa michuano ya CHAN 2024. Uwanja wa Benjamin Mkapa umepangwa kuandaa mechi ya ufunguzi na fainali Agosti 2 hadi 30. Yanga, Uganda, na timu zingine kubwa za Afrika zipo kwenye makundi tayari kwa mashindano.
Simba na Yanga: Mbio za Ubingwa Zazidi Kunoga
Mashabiki wa soka wanajiandaa kwa mechi ya kufunga pazia la Ligi Kuu, kati ya Yanga na Simba. Yanga inaongoza ligi kwa pointi 76, Simba wakifuatia kwa 75. Mchezo huu utachezwa Juni 25, 2025 kwenye Uwanja wa Mkapa na utaamua bingwa wa msimu wa 2024/2025.
Sakata la TFF: Mgombea Alalamikia Kukosa Wadhamini
Mhandisi Mustapha Himba, mgombea wa urais ndani ya TFF, analalamikia hujuma katika mchakato wa uchaguzi. Amekosa wadhamini huku akidai kamati ya uchaguzi inawabeba wagombea wengine. Uchaguzi huu unatarajiwa kufanyika Tanga, Agosti 16.
🔔 Unatafuta Nafasi za Kazi? Jiunge na Watanzania wengine kupitia WHATSAPP CHANNEL kwa matangazo ya ajira kila siku!
🌐 Tembelea Habari Wise kwa habari mpya kila siku!
